M Choir-in audio album tlangzarh

Kum 2015-a din Mizoram Choir chuan nizan khan Esquire Conference Hall, Mission Veng-ah an audio album hmasa ber an tlangzarh.

M Choir album hming hi 'I tan kan hlan' tih a ni a, hla 10 a awm. Hla te hi Mizo leh English a ni a, Mizo hla pasarih leh English hla pathum a awm. Album tlangzarh inkhawm hi dangdai taka buatsaih niin, hun hlim­awm tak an hmang a ni.

M Choir-ah hian mem­ber 10 an awm mek a, album bakah hian music video pawh buai­pui chhoh zel an tum a ni. Nikum khan Krismas hla an lo tichhuak tawh a, 'Hnehtu Pathian' tih music video an buaipui lek mek bawk.