US páwn lamah 007a vûl

Film industry hmunpui US-a tunkar tawpa tlangzarh tur James Bond film thar ber 'No Time to Die' chuan $mtd 121.3 a lalut der tawh.

MGM/Eon/Universal film 'No Time to Die' hi Universal leh MGM market 54 laiah tlangzarh a ni tawh a, film hmunpui US-a tlangzarh a nih hunah chuan tlangzarh karah $mtd 90 tal chu a lakluh an ring a ni.

UK, Germany, Scandinavi ram ho bakah Netherlands-ahte chuan beisei aiin he film hi a che ṭha niin 'Deadline' chuan a tarlang. He film hi hripui len hnua US pawn lama (China tel lo) film sum lakluh $mtd 100 pel leh thei hmasa ber a ni a, tunah hian Rotten Tomatoes chuan rating 7.4/10 a pe der tawh bawk.

'No Time to Die' hi nikum lama tlangzarh tura ruahman daih tawh kha a ni a, mahse hripui leng vangin tlangzarh hun an sawn hla zelah, kumin kum chawhnu lamah an tlangzarh ve thei ta hram a ni.