Sir Paul McCartney hnenah Companion of Honour hlan

Bristish lal chung­kuain an thuneihna huam chhunga chengte hnena chawimawina an pek ṭhin 'Order of the Companions of Honour' chu Sir Paul McCartney hnenah hlan a ni ve ta.

Royal Family chuan May 4, Zirtawpni khan Companion of Honour hlanna hun hi Buckingham Palace-ah an buatsaih a ni. Royal Family chuan hemi chungchang hi Twitter-ah tarlangin, The Beatles member Sir Paul McCartney hnenah music huanga UK leh khawvel huapa a thawh hlawk avangin chawimawina hi hlan a nih thu an tarlang.

King George V chuan kum 1917 aṭang Com­pa­nions of Honour hi a lo sem chhuak tawh a, com­monwealth huam chhunga chawimawi phute hnenah hlan ṭhin a ni. Sir Paul Mc­Cartney hian Queen Eliza­beth-i'n knight nihna a pek hnu kum 20-ah he chawi­mawina hi a dawng a ni.