NBC-in ABBA 'Special Tribute' tichhuak dawn

Television broadcasting company NBC chuan Swedish pop group ABBA te 'Special Tribute' chu kumin December thla khian tihchhuah a nih tur thu an puang.

'Special Tribute' hi darkar hnih vel a ni dawn a, an hla hit hrang hrangte pawh an sa thar leh dawn nia tarlan a ni. Chung zingah chuan Dancing Queen leh Mamma Mia te pawh a tel dawn a, ngaihthlak a chakawm tawh hle a ni. ABBA hi an intuai thar leh mek a, world tour neih an tum bawk.

NBC Entertainment chuan member pali awmna ABBA hian intuai thar leh a, music khawvelah thawm rawn neih leh an tum tih an lo puang tawh a ni. Chanchin thar lam pawh an nei ṭan zauh zauh a, music khawvel an luhchilh ṭha leh tur hi an zai ngainatute tan chuan thu lawmawm tak a tling.