A zawna pakhatna hauh thei Zorinsanga Sailo
Zorinsanga Sailo chuan Hontrade Ṭhazual Fakna chart-ah pakhatna a huah leh a, a zawnin dinhmun sang ber a luah ta.
Praise On aṭanga mipuiten kan hmelhriat Zorina Sailo hian 'Min hual reng ṭhin' tih hla hmangin mipui min awi mek a, thlan pawh a hlawh hle. He hla hi zaithiam Amtea Chhakchhuak lehlin niin, Zorina hian thiam takin a sa a ni.
Zorina hian music video pali a tichhuak tawh a, kumin bikah chuan 'Min hual reng ṭhin' tih hi a pakhatna a ni. Music video hi Andrew Biaknunga kutchhuak niin, recording hi Kings & Prophets siam a ni thung.
Zornina hian college a kal mek a, a duh angin zai lamah a kalna thei lo. Heti chung hian kumin chhung ngeiin music video thar tichhuah leh ngei a tum thu, Vanglani palai a hrilh.
Tun ṭuma chart-a pahnihna hauhtu chu idol star Bka a ni. Bka hian kuminah 'Vanram' tih music video a tichhuak a, a hlawhtlinpui viau. Chart-ah pawh a lang zing ta malh malh hle a, dinhmun sang ber luah turin pen khat chiah a mamawh tawh. Pathumna chu 'Siamtu kutchhuak' tih mawi taka satu Seraphic Choir an ni thung.
Ṭhazual chart-a a zawna pakhatna pawh lo hauh tawh Lalhmangaihzuali (Nunui) chu top 5-ah a la inham tang a, Isak Lalhmingliana Pachuau pawh a sang zual zingah a lang. Nunui hian 'Min kian san suh' tih hla hmangin chart a luahlum rei ta hle.
Top 10-ah hian R. Lalruatfeli (Mapuii), Valtea, Daisy Lalbiaknungi bakah, 'Danglam tura koh' tih satu Mawitea, Machhani leh Hriatchhungi te an lang bawk.
Hontrade Ṭhazual Fakna Top 10
1. Zorinsanga Sailo - Min hual reng ṭhin
2. Bka - Vanram
3. Seraphic Choir - Siamtu kutchhuak
4. Lalhmangaihzuali (Nunui) - Min kian san suh
5. Isak Lalhmingliana Pachuau - Kan Lalpa leh Pathian
6. R. Lalruatfeli (Mapuii) - Ka nun hnar kaitu
7. Aizawl Venglai KṬP, Mika Group - Krawsah chuan famkim I ni
8. Valtea - Ka fak a che
9. Daisy Lalbiaknungi - Ka tlang thianghlimah
10. Mawitea, Machhani, Hriatchhungi - Danglam tura koh