Jordin Sparks Nu nih hnuah ka aw a ṭha zawk

American Idol pawh lo ni tawh Jordin Sparks chuan nu a nih hnuah a aw a ṭhat zawk thu a sawi mauh mai.

'One Step At a Time' hitmaker Jordin Sparks hian May 2 khan fapa Dana Isaiah Thomas Jr a hring a, ni tam pawh a liam hmain he thu hi a sawi chhuak a ni. Jordin chuan, "Nu ka nih hnuah ka aw a chhuak ṭha sawt a, note sang zawk pawh ka tlin a ni" tiin, Entertainment Tonight a hrilh. Jordin Sparks chuan hei hi amah pawhin a beisei loh thil a nih thu leh mak a tih thu a sawi bawk.

Kum 28 mi American singer chuan nu nih chu nuam a tih thu a sawi bawk a, a pasal fanaute tan a hun tam zawk hman a duh tih a sawi. Reality show-a inlan tura sawmna pawh a dawng nasa hle tih sawiin, "A hun rih lo e" tih chu a chhanna a ni.

Fapa thar duhawm tak an neih tak avangin amah pawh a phur hle tih a hriat hle. Jordin Sparks leh a pasal Dana Isaiah te hi nikum khan mipui hriat lem lohin an innei a, an fa neih thu erawh an zep tawh bik lo.