Ambani fanu Isha-i'n khiangawi dawn

Mukesh Ambani fanu Isha Am­bani chuan pasal a nei dawn a, India mi hausa tawntaw fanu pasal nei tur hian thawm a nei lian hle.

Isha Ambani hian December thla khian a kawppui Anand Piramal chu 'tiam tlat e' a tihpui dawn a ni.

Piramal leh Isha te hi sumdawng hausa chhungkua aṭanga seilian an ni a, an innei tur pawh hi media-te'n an ngaihven hle. Kum 33 mi Piramal hi Piramal Group chairman Ajay Piramal fapa a ni a, kum 26 mi Isha lah India rama company lian ber tih ngam Reliance Industries chairman Mukesh Ambani fanu a ni.

Piramal leh Isha te hian inkutsuih turin ram pawn an pan dawn lo a, Maha­baleshwar-ah an an inei dawn nia tarlan a ni.

Anand hi Pennsylvania Univer­sity aṭanga economics zir chhuak a ni a, Harvard Business School aṭang­in MBA a zo tawh bawk. Tun­ah hian Piramal Group-ah hian executive director in a awm mek. Isha pawh a duai lo a, Yale University aṭanga psychology zirchhuak niin, California-a Stanford Graduate School of Business-ah MBA a zir mek a ni.