Rambo 5-ah Sylvester Stallone

American actor Sylvester Stallone chu 'Rambo 5'-ah a inlan leh dawn tih a chiang ta.

Sylvester hi 'Rambo' film-ah a changtupa ber a nih avangin 'Rambo' tiin an sawi mai ṭhin a, Rambo movie chhuak thar leh turah pawh hian a inlan leh dawn. Kum 71 mi lai ni tawh mah se film chang turin a la fit tawk a, film siamtute lam pawhin an la iai lo.

Sylvester hi 1982 khan 'Rambo : First Blood'-ah a lo inlan tawh a, ṭhangkhat lian zet hnuah pawh he film chhunzawmnaa inlan tura hming langsar ber a la ni fan. September thla aṭangin shooting ṭan a ni dawn a, tihchhuah hun tur erawh a la chiang lo thung.

Rambo 5 hi director tur hi tihchhiah a la ni lo a, Sylvester Stallone hian a direct dawn nia sawi a awm bawk. Sylvester hi kumin kum tawp lama tihchhuah tur 'Creed II' ah pawh a chang bawk a ni.