'House of the Dragon' trailer hmuh tur a awm ta

Game of Thrones prequel series 'House of the Dragon' trailer chu hmuh tur a awm ta.

Thawhlehni khan 'House of the Dragon' trailer hi HBO Max chuan an chhawp chhuak a, minute khat leh tlem chauha sei trailer-ah chuan GOT fan-te lung tileng tur hmuh tur tam tak a awm nghal.

He series hi GOT hma kum 200 liam taa thil thleng anga siam niin Targaryean-te'n dragon hmanga Westeros an lak dan vel tihlan a ni dawn a, trailer an chhawp chhuah aṭang ringawt hi chuan thil tam tak hriat a la harsa viau thung.

Otto Hightower (Rhys Ifans) leh a kawrhmaa Hand of the King pin-te, Kign Viserys I (Paddy Considine) a khandaih hum chunga Iron Throne-a a ṭhu laite bakah Prince Daemon Targaryen (Matt Smith) leh Princess Rhaenyra Targaryen (Emma D'Arcy)-te pawh hmuh tur an awm.

'House of the Dragon' hi George R. R. Martin lehkhabu 'Fire & Blood' behchhana siam niin nakkum January 1 hian episode hmasa ber chu en theih tura chhawp chhuah hman an tum a ni.