The Weeknd-a'n album thar a peihfel tawh

Canadian singer The Weeknd chuan a studio album pangana tur chu a siam zo tawh tih a sawi.

Apple Music 1 radio show Memento Mori-ah Thawhṭanni khan hemi chungchang hi sawiin, a studio album thar tur chu a peihfel tawh tih a sawi a, tlangzarh hun tur erawh a la sawi lang lo thung.

August 6 khan XO/Republic Records kaltlangin a album thara mi tur single hmasa ber 'Take My Breathe' chu a tichhuak tawh a, Billboard Hot 100 chart-ah te pawh he hla hi parukna hial a lo thlenpui tawh a ni.

2021 Billboard Music Awards May-a semah khan 'After Hours' hun a tawp tawh tih ka sawi duh a, tunah chuan 'Dawn' a lo thleng mek a ni, tiin a sawi a, 'Dawn' hi kumin chhung chuan tihchhuah hman a tum a, tracklist erawh a la puangzar lo thung.