WHO ranking-ah India sang

World Health Organization (WHO) chuan tun hnai khan khawpui boruak bawlhlawh zual 20 a thlang chhuak a, ranking-ah hian India a sang fal hle. Hei hi chanchin lawmawm loh tak a ni a, boruak bawlhhlawh hi mihring hriselna khawi pawi thei a nih avangin namnul mai chi a ni lo.

WHO chuan India khawpui ṭhenkhat boruak chu a bawlhlawh hle tih sawiin, hriselna khawih pawi thei hiala ngaih pawh khawpui eng emaw zat an awm. List-a tarlan khawpui boruak bawlhhlawh zawng hi high level a tling phak a, sorkar laipui tan pawh luhaina tham a tling. Top 20-a lang khawpui 14 zet hi India khawpui pawimawhte an ni a, a bak khawpui paruk chauh chu ram danga awm tihna a ni.

India khawpui bawlhhlawh zual zingah hian Kanpur, Faridabad, Varanasi, Gaya, Patna, Delhi leh Lucknow te an tel a, hengte hi mihring cheng tamna hmun a ni hlawm. Heng bakah hian Gwalior, Agra, Muzaffarpur, Srinagar, Gurgaon, Jaipur leh Jodhpur te pawh an lang.

Boruak bawlhhlawh chhan lian ber ber chu - industry, agriculture leh transport sector-te an ni a, hengte hi ram ṭhang mek India tan chuan namnul theih a ni lo thung. Hetih rual hian a tihziaawmna tur kawng dap a ngai tih a lang a, ram changkang te el pha tura ṭan lakna tur a ni. WHO chuan India ramah hian kumtin mi mkataduai 1.1 chu boruak bawlhhlawh avangin an thi niin a tarlang a ni.

India bakah hian Kuwait, China leh Mongolia te chu khawpui boruak bawhhlawh zingah hian an tel a ni.