UTA-in Jessica Jung inremna ziahpui

K-pop star Jessica Jung chu media company lar United Talent Agency (UTA) chuan inremna an ziahpui ta.

Inremna ang chuan K-pop band lar Girls' Generation member hlui Jessica Jung hian North America huam chhungah UTA tan hian hna a thawk dawn a, kawng hrang hranga company hma laknate a ṭawiawm ṭhin dawn a ni. A bikin music, film, television leh endorsement lamah hma a la dawn a ni. Hetih rual hian Coridel Entertainment leh East West Artists LLC (Corporation) tan a thawk zui dawn bawk.

Jung hi Girls Gene­ration-ah hian 2007 - 2014 chhung khan member a ni a, a lar vet vet hle. Amah hi San Francisco-a piang leh seilian a ni a, South Korea khua leh tui nihna a nei bawk.