CMT Music Award nominee puan a ni ta

Kum tina sem ṭhin CMT Music Award chu June 6 khian sem a ni leh dawn a, award dawng thei tura chhawp chhuahte hming pawh puan a ni ta.

Award dawng thei tura chhawpchhuah zingah hian Carrie Underwood chu mimala langsar ber a ni. A ni bakah hian Florida Georgia Line leh Jason Aldean te an langsar viau bawk a, category pali-ah an lang. Little Big Town chu category pathumah an hming tarlan a ni a, an langsar viau bawk.

Nominee zingah hian Bebe Rexha, Blake Shelton, Brothers Osborne, Jason Aldean, Justin Timberlake, Chris Stapleton leh Miran­da Lambert te an tel nawk. Anni bakah hian Tim Mc­Graw leh Lady Ante­bel­lum te pawh chawp­chhuah zingah an la tel cheu bawk a, award dawng tur pawh rin thiam a harsa hle.

Award ngaihhlut hlawh 'Video of the Year' dawng tura chawpchhuahte an hrawl a, show tihmuhnawmtu tur ber pawh a ni.

CMT Music Award hi Nash­ville, Tennessee-ah sem ṭhin a ni a, coutry music huang chhunga chawimawi phu thlan chhuahte hnenah sem ṭhin a ni. Kuminah hian June 6 khian sem a ni dawn a, show hi CMT chuan live-in an pechhuak dawn a ni. Category hrang hrangah hian mipui vote lak a ni dawn a, mipui suk thlekin kawngro thui tak a su dawn a ni.