BTS 'Love Myself' U.N. Campaign-in $tld 3.6 hmu chhuak tawh

K-pop superstar BTS chuan United Nations Children's Fund (UNICEF) thawhpuia midang laka hleihlenna lantirna dona 'Love Myself' campaign kaltlangin $tlukledingawn 3.6 an hmu chhuak tawh.

UNICEF chuan Nilaini khan hemi chungchang hi puangzarin, kum li chhung BTS an thawhpuina chuan rah duhawm tak a chhuah a, sum pawh $tld 3.6 chuang lai an hmuh chhuah tawh bakah Twitter lamah pawh like, tweet, retweet, reply leh comment maktaduai 50 chuang a awm tawh tih an tarlang.

UN hnuaia naupang agency lian hian BTS concert-ahte booth an dah ṭhin a, UN General Assembly-ahte pawh an thawhhona avang hian BTS hian thuchah ṭha tak tak, ṭhalaite ngaihven tak takte pawh an lo sawi fo tawh a ni.

BTS pawh hian Nilaini khan thuchhuah siamin, 'Love Myself' campaign chu naupangte'n nun ṭha zawk an neih theihna tura siam a nih thu an tarlang ve bawk.