Re-union thawm a rik hnuah ABBA album hralh a kal

Swedish pop group ABBA te chu re-union an nei leh dawn nia sawi a ni a, thawm pawh a ring sawt hle. Hetiang boruak a awm avang hian ABBA album 'Gold: Greatest Hits' chu hralh a kal phah hle.

Gold: Greatest Hits al­bum hi kum 1992 daih tawha tihchhuah kha niin, tun hnaiah a kal thar leh a ni. Album hralhna hi 57% vel zetin a pung a, Billboard 200 Chart-ah pawh a lang phak hial. Nielsen Music-in a tarlan dan chuan US-ah chuan ABBA hla a lar thar leh hle a, internet lamah pawh zawn hlawh ber ber a ni mek. 'Dancing Queen' chu zawn hlawh ber zinga mi a ni.

Re-uinion chu
ABBA hian April 27 khan re-union an neih leh tur thu an puang a, muisc khawvel a barakhaih hle. Hla pahnih tichhuah an tum thu an puang zui bawk a, fan te an phur tawh hle a ni.

Television broadcasting company NBC chuan Swedish pop group ABBA te 'Special Tribute' chu kumin December thla khian tihchhuah a nih tur thu an puang.

'Dancing Queen' hitmaker - Agnetha Fältskog, Björn Ulvaeus, Benny Andersson leh Anni-Frid Lyngstad te hian intuai thar leh a, mipui hma inlan leh chu an chak tawh thu an sawi. Benny chuan, "Track pahnih tihchhuah kan rilruk a, mahse a fuh dawn em kan hre lo" tiin, hla thar tih­chhuah an tum chung­chang a lo sawi tawh bawk.

Television broadcasting company NBC chuan Swedish pop group ABBA te 'Special Tribute' chu kumin December thla khian tihchhuah a nih tur thu an lo puang tawh bawk a ni. ABBA hi social media lamah an lar thar leh viau bawk a, Facebook, Twitter, Instagram leh YouTube lamah zawn an hlawh hle.

'Mamma Mia' singer-te'n thawm an rawn nei leh ta hi music ngainatute tan chuan thu lawmawm tak a ni a, an vanglai hre pha chin tan chuan a hlu leh zual dawn a ni.