Ariana Grande leh Mac Miller an inṭhen

Ariana Grande leh Mac Miller te chu kum hnih vel zet an inzui hnuah an inṭhen ve leh ta.

American rapper Mac Miller leh Ariana te inṭnen thu hi puan a ni ta mai hian mi mak tih a hlawh viau a, fan-te pawh a barakhaih hle. Anni pahnih hi 2016 kum lai hawl vel aṭanga inzui ṭan an ni a, milar dangte ang bawkin ṭhenna biahthu inhlan zai an rel ta zawk a ni.

Milar inkawp zingah daih rei lo fe fe sawi tur an awm nawk a, film star aṭanga zaithiam thlengin a tua mah an bang bik lo. Chutih rual chuan nupa hlim leh inkawp fuh tak tak sawi tur an awm tho bawk. Milar ten ngaihven an hlawh a, an chanchin - a chhia a ṭhain a langsar bik ṭhin hle. Ariana Grande leh Mac Miller inṭhen thu pawh hi a darh chak a, sawi leh sel pawh a tam hle a ni.