Billie Eilish hla thar a hnai

Billie Eilish chuan Thawhṭanni zingah kha tunkar chhungin hla thar a tichhuak dawn tih a sawi.

Eilish hian a hla thar 'Therefore I Am' chu Ningani hian tihchhuah a tum tih a sawi a, Grammy Award hial pawh lo dawng tawhtu Eilish hian social media-ah hemi chungchang hi tarlangin a phur tawh hle tih a sawi a ni.

'Therefore I Am' hi kumin chunga Billie Eilish single pathumna tur a ni a, 'My Future' a tihchhuah tawh bakah James Bond theme 'No Time to Die' a tichhuak tawh bawk.

Kum 18 lek la ni mah se Billie Eilish hian Grammy award panga lai a dawng tawh a, AMA pahnih leh Guiness World Record pahnih siam tawhin, MTV VMA pathum leh Brit Award pakhat a dawng tawh.

Grammy-a category lian pali-  Best New Artist, Record of the Year, Song of the Year leh Album of the Year kum khata hui vek thei pahnihna leh naupang ber a ni a, kum naupangte mah ni se rimawi khawvelah sulhnu a hnutchhiah ṭha tawh hle a ni.