Justin Bieber-a'n 'Justice (Complete Edition)' a 'drop'

Justin Bieber chuan nimin khan 'Justice (Complete Edition)' a tichhuak a, hetah hian Justice-a hlate bakah hla thar pathum a dah belh.

'Justice (Complete Edition)' album-a hla pathumte hi 'Red Eye' ,'Angels Speak' leh 'Hailey' tihte a dah belh a, a tawp ber hi fan-te chuan an bengkhawn bik ngei dawn tih a chiang. Streaming platform hrang hrangah heng hla tharte hi a stream theih tawh a ni.

Justice Japanese Edition-ah khan 'Hailey' leh 'Angels Speak'-te hi chu a awm tawh niin Billboard chuan an tarlang a, 'Red Eye' hi European webstore alternate cover CD-ah a dah tawh bawk.

'Justin Bieber: Our World' documentary
Justin Bieber hian nimin vek khan 'Justin Bieber: Our World' documentary chu Amazon prime-a en theih turin a tichhuak bawk.

He documentary hi New Year's Eve concert behchhana a siam niin, behind-the-scenes footage hmuh tur a awm nual a, Covid-19 health protocol ṭha taka zawm chunga a team-te'n hlawhtling taka show an kalpui dan vel a tilang bawk a ni.