Adele album tharah zaithiam dang an tel dawn lo

British singer Adele chuan a album thar turah zaithiam dang thawhpui a neih loh thu a sawi.

Kum 33 mi 'Skyfall' hitmaker hian Britain Vogue magazine-in an kawmnaah hemi chungchang hi a sawi. "Ka thawhpui duh lo pawh a ni lo. Kan ngaihtuah tel lo mai mai zawk a ni. Eng emaw vangin a thawhpui neih loh kha ṭha zawkin kan hria a ni," a ti.

Adele hian a album thar tur hi a pasal Simon Konecki nena an inṭhen hnua a buaipui ṭan niin an sawi a, chuvang chuan inṭhenna lam hla a tam leh a rinawm.

A album thar tur hming hi amahin chiang takin la sawi lo mah se '30' a tih a rinawm a, tun Zirtawpni lo awm turah hian kum 2015 hnua a hla thar tihchhuah hmasak ber tur 'Easy on Me’ chu a tichhuak dawn a ni.

'Easy on Me’ awmna album tur hi a studio album palina tur a ni a, November thla chhung hi chuan tlangzarh hman a tum niin a lang. Producer lar Greg Kurstin, Max Martin, Inflo, leh Ludwig Goransson-te chu he album-ah hian a thawhpui a, 'Easy on Me’ hi he abum aṭanga a single hmasa ber tur niin hla dang erawh a la puangzar lo thung.