Dwayne 'The Rock' Johnson a RAP

Dwayne 'The Rock' Johnson kan hria. Wrestling hmangin khawvelin a hmelhriat a, a hnuah lemchan khawvel luhchilh lehin tunah phei chuan lemchan thiam hlawhtling ber zinga mi a ni tawh.

Talent dang a la nei! Rap pawh a lo thiam ngang mai! Rap lama a talent chu thulmawnga khung bo mai a tum loa, Tech N9ne 'Face Off'-ah a rawn rap tlat mai.

'Face Off' hlaah hian Joey Cool leh King Iso-te nen thawkhoin thiam takin an rap ho a ni.

Dwayne Johnson hian rimawi a ngainat thu Variety hnenah lo sawi tawhin, a lemchanna hoah pawh a rem phawt chuan rimawi lam zeh tel a tum ṭhin thu a lo sawi tawh. Chu chu a lemchanna hrang hrang enlet pawhin a dikzia kan hria. Tunah phei chuan music video-ah hial a rawn rap ta a, a fan-te'n an lawm hle.

Dwayne hian rapper dang pawhin an hlaa rap ve tura an sawm thu leh, midang erawh chu a la hnial rih thu a sawi. Chung sawmtute chu artist lar tak tak an nih thu a sawi bawk.