Christopher Nolan 'Oppenheimer'-ah Cillian Murphy

Director lar Christopher Nolan-a film thar tur 'Oppenheimer'-ah Peaky Blinders star Cillian Murphy chu J. Robert Oppenheimer lemah a chang dawn.

Kum 45 mi lemchan lama sulhnu ṭha tak tak lo hnutchhiah tawhtu Cillian Murphy leh Christopher Nolan hi an vawi khat thawhdunna tur erawh a ni lo a, Batman Dark Knight Trilogy-ah khan film pahnihah an lo thawkdun tawh a ni.

Theoretical physicist J. Robert Oppenheimer-a chanchin film-a siam tur 'Oppenheimer' hi July 21, 2023-ah tlangzarh turin ruahmanna an siam a, Universal Pictures kaltlangin an tlangzarh ang.

Father of Atom Bomb tia hriat lar Oppenheimer chanchin hi Pulitzer Prize hial dawng tawh lehkhabu 'American Prometheus: The Triumph and Tragedy of J. Robert Oppenheimer', Kai Bird leh Martin J. Sherwin-te lehkhabu behchhana siam a ni dawn a, Nolan hian a direct dawn bakah script pawh a buaipui dawn bawk.