Prince William Earthshot Awards-ah Ed Sheeran, Shawn Mendes, Coldplay

Prince William, Duke of Cambridge leh David Attenborough-te'n nikum lam aṭanga bul an ṭan, Earthshot Awards-ah Ed Sheeran, Shawn Mendes leh Coldplay-te an inlan dawn.

Earthshot Awards hi environment award a ni a, October 17 hian sem tur niin kan khawvel tana a ṭha zawnga thawktute hnenah chawimawina an hlan dawn a ni. Prince William nupui Kate Middleton, Emma Thompson, Emma Watson, David Oyelowo, leh footballer Mohamed Salah-te chu chawimawina hlantu turte an ni ang.

Category panga- Protect and Restore Nature, Revive Our Oceans, Clean Our Air, Fix Our Climate, leh Build a Waste-free World-ahte chawimawina hi sem a ni dawn a, chawimawina dawngtute chuan $mtd 1.36 ṭheuh an dawng dawn bawk.

UN Sustainable Development Goals nena inthlawp tawn award dawng turte hi Earthshot Prize Council- Duke leh Attenborough bakah continent hrang hrang paruk aṭanga thlan chhuahte'n an thlang a ni.