Mizoram’s Got Talent ṭan a ni ta!

Runmawi buatsaih Mizoram’s Got Talent chu October 4, 2021 khan ṭan a ni a, thiamthil dangdai leh hmuhnawm tak tak en tur a awm.

Audition (Video Round) a bul ṭan niin, video eng emaw zat lutte chu judge - Lalnunkunga Sailo, Pensy B. Lalthangliani, Alan Rinawma leh Vanlalsailova ten thlirhoin, screening neih nghal a ni. Screening hi October Ni 4 leh Ni 6 khan neih a ni a, Day 1-ah registration 1-290 endik niin, Day 2-ah hian registration 291-700 endik leh a ni. Audition Video Round paltlangte video hi Runmawi App ah phochhuah nghal an ni.

Screening paltlang te hi October 18-21-ah Live Audition turin, D&E Auditorium, Hualngohmun ah an inlan leh ang.

Mizoram’s Got Talent hi Runmawi App ah leh Runmawi Youtube Channel-ah te mipui en theihin chhawpchhuah ṭhin a ni ang. Runmawi App hi android/desktop ah download theih a ni a, ios ah pawh download theih thuai a ni ang. LIVE a enduh te tan Rs. 50/- in Quarter Final atangin lei theih a ni dawn a, vawikhat lei tawh chuan Final thlengin lei nawn a ngai tawh dawn lo. Lei remchang lo tan pawh live zawh hnu ni 2/1 ah Runmawi app-ah hian a thlawna en turin a awm ang. Mizote thiamthil intihsiakna leh lantirna show hmuhnawm tak hi lo hmaih bik hauh suh ang che.