Cristiano Ronaldo hming chawiin Animation film

Animation film ngainatute tan thu lawmawm hriattur a awm leh ta. Footballer Cristiano Ronaldo hming chawiin 'Striker Force 7' chu tihchhuah a ni dawn tih Ningani khan puan a ni.

Indian graphic novel and animation producer Graphic India leh management company VMS Communications ṭangkawp chuan 'Striker Force 7' hi an tichhuak dawn a ni. Real Madrid superstar Cristiano Ronaldo chuan superhero a ngainat thu sawiin, a puala animation tih chhuah a ni tur chu lawmawm a tih thu a sawi.

Manchester United palyer hlui leh, tuna Real Madrid tana khel mek Ronaldo puala animation tihchhuah tur hi tlangzarh hun tur puan a la ni lo thung.