Prince Harry & Meghan Markle inneihna tur Queen Elizabeth II-in a pawmpui ta

Queen Elizabeth II chuan Prince Harry leh Meghan Markle te chu British lal chhungkaw inneihna dan 'Succession to the Crown Act' hnuaia an inneih theih nan 'Instrument of Consent' ah a hming a ziah hnan ta. Harry leh Markle te hi May 19 hian an innei dawn a ni.

Queen Elizabeth hian Harry leh Markle te inneih tur hi March thlaa Privy Coun­cil-ah a thuphungin a lo pawmpui tawh a, tunah chuan 'Instrument of Consent' ah a hming a sign ta a ni. Buckingham Palace chuan Inrinni khan Queen Elizabeth pawmpuina, kut ngeia thuziak hi an tlangzarh a, Harry leh Markle te hi British lal chhungkaw inneihna dan 'Succession to the Crown Act' hmangin an innei thei dawn ta tih an tarlang. Buckingham Palace chuan Queen Elizabeth thuziak hi a thlalak nen an tarlang a ni.

Instrument of Consent
British laltupa Harry leh Ameri­can actress te Bristish la chhungkaw dana an inneih theihna tura Queen Elizabeth hming sign-na 'Instrument of Consent' sir vei lamah hian red dragon lem a chuang a, hei hi Wales lal inthlahchhawng zel symbol a ni. Hei bakah hian U.K official floral emblem - rose, thistle leh shamrock a chuang bawk.

A ding lamah hian Meghan leh Harry te pualin U.S national flower - rose a chuang a, Markle chenna California state flower - golden poppy lem a awm. Instrument of Consent-a Queen signature-ah hian Great Seal of the Realm seal chhutkai a ni bawk.

Queen Elizabeth II hian Instru­ment of Consent-ah hian ṭumruk hming a sign-na a ni a, Harry leh Markle te hi May 19-a an inneih hnuah he thuziak hi hlan an ni ang.