Vawiin aṭangin Edu Option 2018 Edu Talk & Career Match test awm dawn

Edu Option 2018 chu vawiin aṭang hian Assembly House Annex Basement-I ah ṭan a ni tawh dawn a, ni hnih chhung a awh ang. Edu Option neih chhung hian Edu Talk leh Career Match test a awm dawn a, chhim ngei chi a ni.

Edu Talk hi zirlaite'n an duh hunah an chhim thei a, lecture ngaihnawm tak tak ngaihthlak tur a awm dawn bakah chipchiar zawkin medicine, fashion leh hos­pitality-ah te university-a thawkte'n lecture an pe dawn a ni. Delhi University a luh dan step by step inkaihhruaina sawiho a ni bawk ang. Zirlaite'n an career duhzawng leh an personality a inmil em tih an hriat theih nan career match test a awm dawn bawk.

Edu Option 2018-ah hian India rama college leh university ṭha 30 vel an tel dawn a, zirlaite tan chhenfakawm tak tur a ni. Zirna-in hrang hrangte hi UGC/AICTE accredited vek niin, Medical, engi­­neering, management, arts, science, commerce leh technical stream-ahte dawr theih an ni ang. He hunah hian ram pawn thlenga zir duh tan pawh kawng a inhawng dawn a ni.

Heng bakah hian scholarship leh educational loan hrang hrang apply duh tan pawh biak rawn tur an awm dawn a, zirlaite kal leh zelna tura inkawh hmuhna hun ṭha a ni. Chawhma dar 11:00 aṭanga tlai dar 5:00 thleng tlawh theih a ni dawn a, a duh apiang tan chhim theih a ni.