Rock Songs chart-ah Guns N' Roses an lang leh ta

American hard rock band Guns N' Roses chu kum eng emaw zat liam hnuah Rock Songs chart-ah an lang ve leh ta.

GNR hian May 4 khan 'Shadow of Your Love' lyrics video chu an dah chhuak a, chart-ah 31-na a hauh phak. GNR hian kum 1987-a an studio album tihchhuah 'Appetite for Destruction' chu an tichhuak ṭha leh dawn a, hemi atan hian 'Shadow of Your Love' pawh hi a track an tichhuak lawk a ni. He hla hi an band frontman Axl Rose leh Paul Tobias te irawm chhuak a ni

Nielsen Music in a tarlan dan chuan ni thum lek chhungin mi maktaduai khat chuangin an ngaithla tawh a, chart-ah pawh a invawrh sang chak hle a ni.

'Shadow' hi GNR-in Rock Song chart-a lang phak hla 22 an neihna a ni tawh a, chart-a an lan hnuhnun ber chu January 2009 daih tawh kha niin, 'Better,' tih hmangin No.18 an hauh a ni.

Guns N' Roses hian June 29 khian 'Appetite for Destruction' hi an tichhuak thar leh dawn a, hla 73 zet a awm dawn a ni.