Inter Branch YMA Beat Contest-ah lawmman a ṭha dawn

Chanmari Branch YMA chuan an diamond jubilee pualin June 4-14 chhung hian Inter Branch YMA Beat Contest an buatsaih dawn a, pakhat­nain Rs.1,00,000 an dawng dawn.

Beat Contest-a tel tur hian hming pe lut eng emaw zat an awm tawh a, tel tum tan May 26 thleng form thehluh theih a ni. Form hi Chanmari YMA hall-ah lakchhuah leh thehluh theih a ni.

Lawmman hi pakhatna aṭanga pangana thleng siam a ni dawn a, mimal lawmman sem a ni dawn bawk. Pakhatna hian Rs. 1,00,000 an dawng dawn a, pahnihnain Rs.50,000 leh pathumna ten Rs.30,000 an dawng ang. Palina leh pangana ten Rs.10,000 ve ve an la dawng dawn cheu bawk.

Mimal lawmman pawh ṭha tawk tak siam a ni dawn a, Best - Vocalist, Guitarist, Bassist, Keyboardist bakah Best Drummer thlan a ni dawn bawk.