Kilauea Volcano

US, Hawaii-a thliar­kar pakhat Kilauea-ah tun hnai khan lirnghing avangin tlangkang a thleng a, a hmingah Ki­lauea Volcano tih a ni.

Kilauea thliarkar hi tun hnai khan lirnghingin a sawi a, heivang hian tlangkang hi a thleng a ni. Kilauea thliarkara lung te hi kum 300,000 - 600,000 inkar vela upa niin, lirnghing magnitute 6.9-a na in a sawi hnuah tlangkang hi a ṭan ta a ni.

Kilauea Volcano hi kum 1983 khan a lo thleng tawh a, kum eng emaw zat liam hnuah a thawk nawn leh ta a ni. Kum 1990 pawh khan a bul hnaia khaw­pui pakhat Kalapana chu a lo tichhe nual tawh bawk.

Mithiamte chuan Kilauea Volcano hian hlet 19 zet a nei tih sawiin, heta ṭang hian lava tam tak a invawrh chhuak a ni, an ti. Lava hian ram zau tak a tikang a, mihring chenna leh inkalpawhna kawngpui tam tak a tichhe bawk a ni.

U.S. Geological Sur­vey chuan lei chhung ril aṭanga chirh sa lo chhuak hi feet 500 chuang zeta sangah te a invawrh a, a bulhnai ram tam tak a kan phah tih an sawi. Kilauea Volcano hian Hawaii leh a chheh vela cheng mi tam tak tan harsatna a thlen a ni.