Hla thar nen Backstreet Boys

American vocal group Back­street Boys chu an reh vang vang hnuah hla thar nen an lo kir dawn.

Backstreet Boys hian tun hnaiah thawm rawn neiin, hla thar an tichhuah tur thu an sawi. Social media-a an tarlan aṭanga ni tam a liam hmain an inlar zui nghal chat dawn a, tunkar Ningani hian hla thar an tichhuak dawn. An hla thar tur hi 'Don’t Go Breaking My Heart' tih a ni a, kum 2013-a 'In a World Like This' an tichhuah hnua a hmasa ber tur a ni.

BSB member Kevin Richard­son, Howie Dorough, Brian Littrell, Nick Carter leh AJ Mc­Lean te hi an intuai thar leh mek a, hei hi fan-te tan chuan thu hriat nuam tak a ni ngei ang.