Apple Music-in subscriber mtd 50 nei tling

Apple Music chuan hmalam pan zelin, subscriber maktaduai 50 zet an nei ta.

Apple Inc. hnuia music leh video streaming service Apple Music hian tun hnaiah nasa takin hma an sawn a, subscriber pawn an pung chak hle. Company CEO Tim Cook chuan Thawhlehni khan subscriber mtd 50 an neih tlin thu hi a sawi a, April thla chhung khan maktaduai 10 zetin an pung tih a sawi.

Apple hian huang zauh zel turin hma an la mek reng a, ruahmanna pawh eng emaw zat an siam. Show vawi lina nei turin an inbuatsaih leh mek a, American filmmaker Steven Spielberg chanchin ngaihnawm leh, Jennifer Aniston bakah Reese Witherspoon te chanchinte pawh tarlan an tum a ni.

Hetih rual hian Apple Music hian an elpui Spotify chu an la pha lo hle thung. Swedish entertainment company Spotify hian customer maktaduai 75 zet an nei tling tawh a ni.