Netflix-in Europe-ah hma a la nghal
Online streaming service Netflix chuan internet service provider-te harsatna tawh sutkianna turin Europe-ah chuan ni 30 chhung an video quality an tihniam dawn.
Video quality an tihhniam hmang hian Netflix chuan an data hman chu 25% laiin a tlem dawn tih an sawi a, mahse thlirtute tan chuan an video quality chu a la en tlak dawn hle niin an sawi bawk. Hei hian EU ramte bakah UK pawh a huam dawn niin a lang.
Netflix hian an streaming bitrate an tihniam dawn a, heihi online-a video stream-a a fiah leh a smooth-na ber tur a ni. Video quality ṭhate chuan bitrate hi an hmang nasa a, hei hian data a heh zual a ni. EU official-in ngenna a siam hnu lawkah Netflix hian hma an la nghal vat a, streaming service zingah chuan an video quality tihniam hmasa ber an ni nghe nghe.
Company chuan thuchhuah siamin, " Commissioner Thierry Breton leh Netflix CEO Reed Hastings-te'n inbiakna an neih zawh hnuah, coronavirus-in harsatna hrang hrang a thlen thlir chungin, Netflix chuan Europe-ah ni 30 chhung atan bitrates a tihniam dawn a ni," tiin an tarlang.
• Commissioner Breton an an inbiak hnu darkar rei lotea Netflix-in hma an la nghal chu a fak hle.
• Standard definition video-in darkar khatah 1GB data vel a hman laiin HD chuan 3GB vel thlengte a hmang thei.
• Netflix hian North America lamah hma an la ve dawn em tih an la sawi lo.
• Telecoms giant Vodafone chuan tunkar chhungin Europe-a internet hman chu 50% laiin a pung tih a sawi.