Star Trek star William Shatner space-ah Space-a inkap chhuak thei upa ber a ni

Hollywood actor William Shatner chu Nilaini khan Blue Origin 'Shepard rocket' hmangin van boruakah a inkap chhuak a, minute 10 vel van boruaka a awm hnuah khawvelah a rawn let leh a ni.

Kum 90 mi William Shatner hian vana inkap chhuak thei upa ber record a siam a, Texas thlaler aṭangin midang pathum nen an inkahchhuah hnuah dam takin lei a thleng leh a ni.

Canadian lemchan thiam Blue Origin neitu Jeff Bezos hnenah a rin phak bak a nih thu leh mi zawng zawngin ti ve thei se a duh thu a sawi hial.

Star Trek series-a James T Kirk lema a chan vanga hriat hlawh William Shatner hian lemchan lamah sulhnu a hnutchhiah ṭha hle a. American sit-com series hit tak 'The Big Bang Theory'-ah pawh khan a inlan a ni.