#IStayHomeFor challenge Milarte'n an kalpui

Covid-19 darh nasa zual zel tur venna atan ina awma, pawna chhuah loh chu mithiamte pawhin a venna ṭha ber a nih thu an sawi nasa. 

Milarte pawh inah an tawm nasa a, pawn an chhuak meuh lo. Ni tam tak ina inkhung tawh pawh an tam hle. Chumi kawnga midangte zirtirna atan  social media lamah  #IStayHomeFor challenge an kalpui nasa hle a ni. #IStayHomeFor tih thuziak kengin ina an awm chhan turte social media-ah an fate hmuh theih turin an thlalak an post nasa hle a ni. Chung zingah chuan David Beckham, Eva Longoria, Demi Lovato, Kevin Bacon, Elton John, Millie Bobby Brown leh Asher Angel-te pawh an tel a, an la intihhmuh zel pawhin a rinawm.

Khawvel milarte leh mi hausa zawkte pawhin mithiamte thurawnin ina awm tam an intihhmuh a, keini pawh hian heihi entawnin ina awm tam kan tum hi a pawimawh hle reng a ni.