Cannes Film Festival tikhawltai
Kum tina neih ṭhin, film festival ngaih hlut Cannes Film Festival chu Covid-19 darh zel vangin tihkhawtlai a ni.
Ruahmanna hmasaah chuan May 12 leh 13-a neih tur a ni a, mahse coronavirus darh zel vangin a buatsaihtute chuan sawn hlat a ngai dawn tih an sawi a, June emaw July thla tirah emaw buatsaih an tum. A hun tak tur erawh an la tifel lo.
Cannes Film Festival buatsaihtute chuan thuchhuah siamin," Khawvelin harsatna a tawh mek lai hian Covid-19 kaite kan rilruah an awm reng a a ni. He thutlukna hi kan siam a ngai ta a ni: Festival de Cannes hi ruahman ang hun, May 12 leh 13-ah neih theih a ni dawn lo. A hun tur erawh duhthlan tur hrang hrang a awm a, tuna kan sawi theih chu tihkhawtlai a ni tih hi a nimai," tiin an tarlang.
Covid-19-in entertainment khawvel a nghawng na zel a, festival lian tak tak ṭhulh leh tihkhawtlai a awm tam tawh hle. Coachella leh Glastonbury-te pawh a nghawng tawh bawk a ni. Cannes Film Festival hi kumtinin Cannes, France-ah neih ṭhin a ni a, kum 1946 aṭanga kalpui tawh kha niin kum 72 chhung chu kumtina neih ṭhin a lo ni tawh. Kum 2003 hma kha chuan International Film Festival tih a ni ṭhin bawk.