Arjun Kapoor-a'n zin turin Cristiano Ronaldo a sawm

Indian actor Arjun Kapoor leh football star Cristiano Ronal­do te chu tun hnai khan Madrid-ah an inkawm a, Arjun chuan India zin turin Real Madrid player hi a sawm.

Bollywood star Arjun hian sport lam a tuipui viau niin an sawi a, Ronaldo inkhel en turin Spain a pan hial niin an sawi. Ronaldo nen hian Thawhṭanni khan inkawmna hun an nei a, India zin tur hian a sawm ta a ni. Arjun hian Ronaldo hi Liverpool nena, Ukraine khawpui Kiev-a Champions League final an khelh hunah chak turin duksakna a hlan a, FIFA World Cup-ah a chet ṭhat a beisei thu a sawi bawk.

Arjun leh Cristiano te hi nikum khan an lo inhmu tawh bawk a, hemi ṭum pawh hian India tlawh turin a lo sawm tawh bawk. Mahse Portugal super star hian India a alo kal dawn leh dawn loh a la sawi lang lo thung.