Ariana Grande rilruah Manchester terror attack a la thi lo

Ariana Grande chuan mi 22 lai thihna Man­chester terror attack chu a rilruah a la thi thei lo tih sawiin, nitin a ngaihtuah chhuak niin a sawi.

'No Tears Left To Cry' singer hi nikum May thla khan Manchester Arena-ah hian a concert a, a concert lai hial helten pawikhawihna an thlen a ni. He thil thlengah hian mi 22 an thih bakah, midang eng emaw zatin hliam an tuar a ni. Ariana Grande chuan kha thil thleng kha a theihngilh thei lo tih sawiin, a ngaituah chhuak fo a ni.

Hemi chungchang hi Time magazine-ten an kawm ṭumin a sawi chhuakin, "Mi tam takin nunna an chan a, rilru a na takzet a ni. Mipui himna a pawimawh ber a nih lai a, fan tam tak chunga thil thleng khan mi ṭhawng tak zet a ni" a ti.

Tun hnaia a hla tihchhuah 'No Tears Left To Cry' pawh kha thil thleng behchhana a siam a nih thu a sawi bawk.

Ariana hi a manager Scooter Braun chuan a fak hle a, a concert laia chhiatna rapthlak tak thlengin a ṭhawngna hle chunga a, pangngai taka hun ahmang leh thei chu a fak hle a ni. Hetih rual hian Ariana Grande hian kha thil thleng kha a ngaihtuah chhuak fo a, a rilruah a la thi thei chuang lo a ni.