‘Boston Strangler’-ah Keira Knightley

20th Century Studios film thar tur ‘Boston Strangler’-ah Keira Knightley chu a chang dawn.

'Pirates of the Carribean' star Keira Knightley inlanna tur film ‘Boston Strangler' hi Matt Ruskin chuan a direct dawn a, December thla hian Boston-ah an chang ṭan dawn a ni.

Boston Strangler tualthahna lar tak behchhana siam tur film a ni a,he tualthahna chungchang chhuitu hmasa ber Loretta McLaughlin chanchin leh khawvel hriata a pho chhuah dan vel tarlan a ni ang.

Knightley hi Loretta McLaughlin lemah hian a chang dawn a ni. He film bakah hian 'Silent Night' film-ah a chang dawn bawk.

English actress Keira Knightley hi kum 36 lai a ni ve tawh a, kum 2013 khan musician James Righton nen inneiin fa pahnih a nei tawh a ni.