Elton John-a'n 'Cold Heart' hmangin UK Chart-ah record a siam

Elton John hla 'Cold Heart (PNAU Remix)' chu UK Chart top 10-ah langin record thar a siam.

Music icon Elton John hian Dua Lipa a thawhpuina 'Cold Heart' chu UK Single chart-ah pahnihna a nihpui a, 'decade' hrang hrang parukah top 10 hla nei zel thei record a siam a ni.

Zaithiam chuai thei lo Elton John leh Dua Lipa thawhdunna hla 'Cold Heart (PNAU Remix)' hi a album thar tur 'The Lockdown Sessions'-ah a dah tel dawn.

Elton John hi Cher, Sir Cliff Richard, David Bowie, Elvis Presley leh Michael Jackson-te aiin UK Single chart-ah a ropui ta hret a tih theih awm e. Heng artist dangte hian 'decade'pangaah UK single chart top 10 an nei thei vek a, Elton John erawh chuan parukah a nei ta a ni.

Kum 1971 khan 'Your Song' hmangin he chart-ah hian top 10 hla a nei hmasa ber a, chumi hnuah chuan 'decade' tinah top 10 hit hla a nei ta ziah a ni.