Kurt Cobain-a Jag-Stang guitar Fender-in siam thar leh ta!

Guitar company lar Fender chuan 'Nevermind' kum 30-na pualin Kurt Cobain-a Jag-Stang guitar an siam thar leh.

Nirvana album 'Nevermind' hian September 24 khan kum 30 a tling a, hemi pual hian Fender chuan an Nirvana frontman Cobain-a custom model, Fender Jaguar leh Mustang inpawlh guitar chu an tichhuak thar leh a ni.

An instrument tihchhuah thar leh hi Fiesta Red leh Sonic Blue siamin rosewood fingerboard an hmang a. Kurt Cobain-a guitar lem ziah entawnin an siam leh niin Fender chuan an sawi.

Fender Products EVP Justin Norvell chuan hemi chungchang hi sawiin, Cobain-a guitar nen khan danglamna a awm tam lo tih a sawi bawk. He guitar hi £1,249-in an zuar a ni.

Kurt Cobain hi kum 1994 khan kum 27 mi lek niin a thi a ni.