Mahindra XUV 700 Mizoramah tlangzarh a ni ta

Mahindra XUV 700 chu Inrinni khan Mana Motors showroom, Bawngkawn, Aizawlah Mizorama zawrh chhuah turin footballer Jeje Lalpekhlua'n a tlangzarh.

India tana goal 23 khung tawh Jeje-a chuan, "India ram bakah ram hrang 20 vel inkhelin ka tlawh tawh a, ka sawi ve ṭhin chu an kawngpui a ṭha thei em em a ni. Kawng hi mi tin chhawr theih a ni a, sorkar hotute'n ngai pawimawh thei se a tha hle a ni.

"Mana Motors neitu Pu Marina te chhungkuain ṭhalai mi 200 vel an chhawr a, eizawnna tam tak an siam sak bakah Mizoram tan tha an thawh fo ṭhin a, ram tan tha thawh tam zel turin duhsakna ka hlan a ni," a ti.

Car chungchang sawitu Lalrawngbawla chuan an zawrh chhuah aṭanga ni rei lote chhungin an inchuh nasa a, XUV 700 hi Mahindra vawrh kangtu tur a nih ngei a beisei tih a sawi.

"October 7 khan India rama a vawi khat nan 25,000 tan booking hawn a ni a, minute 57 chhungin a zo vek. October 8 khan booking hawn leh niin darkar hnih chhungin 25,000 dang a zo leh vek bawk a, India ram record niin an titawp ta rih.

"Mahindra hian he model bik hi hmasawnpui theitu pawimawh a ni tih an ring nghet hle a ni ang; a man pawh rin lawk aiin a tlawm tlat a, cheng nuai 12 vel chauh aṭangin a intan a ni," a ti.

Mizorama Mahindra dealer Mana Motors neitu Dr Franklin Lalrinngheta chuan XUV 700 chu an nghahhlelh em em, Mahindra car chhuanvawr leh changkang ber a nih thu a sawi bakah, Mahindra inrelbawlna a inthlak danglam nasa, chumiin a hrin chhuah a nih thu a sawi bawk.

Mahindra XUV 700 hi variant hrang a tam hle a, Rs 11,99,000 aṭanga Rs 21,59,001-te a ni hlawm. Petrol leh Diesel hmang a awm bawk a ni.

Mahindra XUV 700 specs ṭhenkhat:-

DIESEL
M Hawk 2.2 litres
Power : 185 ps@3500rpm
Torque : 420nm @1600-2800 rpm(mt)
450nm@1750-2800 rpm(at)

PETROL
M Satallion manual/automatic
Power : 200 ps @3750 rpm
Torque : 380 nm 1750-3000 rpm
Seating Capacity - 5, 7
TransmissionType - Automatic
Fuel Tank Capacity - 60.0
Body Type - SUV

Key Features
- Power Steering
- Power Windows Front
- Anti Lock Braking System
- Air Conditioner
- Driver Airbag
- Passenger Airbag
- Fog Lights - Front
- Alloy Wheels
- Multi-function Steering Wheel