Mystical Mizoram Ṭhazual Gospe-ah Arini 'A nung ka hria' pakhatna a ni

Mystical Mizoram Ṭhazual Gospel chart-ah chart hmasa lama pahnihna Arini 'A nung ka hria' chu pakhatna a ni.

Arini 'A nung ka hria'
Arini hla mawi tak 'A nung ka hria' chu hun eng emaw chen Ṭhazual chart-a a inlan hnuah pakhatna a ni ta.

He hla hi Fela, Durtlang Leitan hla phuah dahkhawmna 'Pathian Hmangaihna' album-a mi bawk kha niin Arini hian thla hnih vel liam taah khan a tichhuak a, tunah chuan Ṭhazual chart-a hmun ṭha ber a rawn luah ta. Arini hian a sa thiam a, a hla thu a ṭha a, music video a hmuhnawm bawk a, pakhatna a ni hi a mak lo hle.

'A nung ka hria' music video hi Arini hian a YouTube channel lamah a chhawp chhuak a, thlira ngaihthlak a manhla viau.

Pahnihna Cindy, Pathumna Angaihteii
Chart hmasa lama pathumna Cindy Lalthanpuii 'I awm vangin' chu pahnihna a ni thung a, pakhatna a nih thuai pawh a rinawm. Pathumna chu Angaihtei Hnialum hla thar 'Ka duh che' kha a ni thung.

Chart-a langte an ṭha
Vanlalrohlui (Duati) 'I tan ka hlan' chu palina a ni a, Sawmtea Chhangte chuan 'A zual zel ang' hmangin top 5 a rawn khar.

Gospel band Bee31 chu parukna a ni a, Amtea, Christina Vanlallnghaki, Lalthlengliani Jongte leh Benjamin Colney ft Jerry-te pawh tunṭum chart-ah hian an lang a ni.