Miley Cyrus-in a studio album pakuana a buaipui mek

Miley Cyrus chuan a studio album pakuana tur a buaipui mek niin a label thar Columbia Records chuan an tarlang.

Miley hi a hma chuan RCA Records artist a ni ṭhin a, March thla aṭang khan Columbia Records nen inremna siamin tuna a album buaipui mek hi Columbia Records hnuia a album tihchhuah hmasak ber tur a ni ang.

Kum khat vel liam taah khan Miley Cyrus hian classic rock lamhawi album 'Plastic Hearts' a tichhuak a, Billboard Top Rock Albums chart-ah pakhatna hial niin Billboard 200 chart-ah pahnihna a ni bawk. Tuna a album thar tur pawh hian ngaihven a hlawh leh hle ang tih a rinawm.

The Kid LAROI nena an thawhdawnna, thla nga vel liam taa a tihchhuah 'Without You' pawh kha a album thar tura mi hi a ni a, chutihrual chuan a album thar tura hla dang turte erawh a la puangzar lo.

Miley hian a album thar hi engtikah nge tlangzarh a tum tih leh hla engzat nge a dah dawn tih pawh a la puangzar lo a ni.