Wonder Woman 3 a chiang

Wonder Woman 1984 director Patty Jenkins chuan DC FanDome-ah khan Wonder Woman 3 siam a ni dawn tih a sawi chiang.

Patty Jenkins chuan Gal Gadot nen pawh Wonder Woman 3 siam a ni tur chu an phur tawh hle tih sawiin, an siam ngei dawn tih a sawi chiang a ni.

DCEU Wonder Woman film hmasa ber kum 2017-a tihchhuah leh nikum December thlaa tlangzarh Wonder Woman 1984 kha Patty Jenkins direct ve ve a ni a, tuna a chhunzawmna an siam leh tur pawh hi Jenkins kutah bawk a awm leh a ni. 

A film hmasa ber khan $maktaduai 822.3 lai sum a lalut a, a chhunzawmna erawh kha chuan theatre tam tak inkhar lai a nih bakah HBO Max streaming platform lama pek a nih bawk avangin Box Office aṭangin $mtd 166.5 vel chiah a lalut thung.