Kanye West hming thar 'YE'

Kanye West chuan a hming, 'Ye' tia thlak a dilna chu Thawhṭanni khan California state court chuan a pawmsak tain tunah chuan Kanye West ni tawh loin dan ang thlapin a hming chu 'Ye' a ni tawh.

Thla hnih vel liam taah khan Kanye Omari West hian a hming thlak dilna hi a thehlut a, Los Angeles Superior Court Judge Michelle Williams chuan a lo pawmsak ta a ni.

A hming thlak a duh chhanah hian 'mimal thil' vang a nih thu bak chhan dang a ziak lo.

Kanye hian a hmain a hming thlak a tum chungchang a sawinaah 'Ye' chu Bible-a an hman dan tlangpui leh 'Nangmah (You)' tihna a nih thu lo sawi tawh a, Kanye lamtawi atan pawh an lo hmang fo tawh bawk a ni.