Salma Hayek ; Hlawh titlem turin mipa-te a ngen!

Hollywood star Salma Hayek chuan mipa te chu, film khawvela hmeichhia te nena an hlawh inthlau tihreh an duh tak tak a nih chuan an hlawh titlem ngam turin a ngen.

American-Mexican actress Hayek hi tun hnai khan Cannes Film Festival-ah a inlan a, hemi chungchang hi a sawi chhuak a ni. Hayek chuan, "Mipa leh hmeichhia hlawh inthlau lutuk hi sawi a ni fo ṭhin a, mahse tun thlengin a la danglam lo. Hei hi chinfel an duh tak tak a nih chuan mipa te hian an hlawh an titlem ngam tur a ni" tiin a sawi.

Salma Hayek chuan film star te hlawh inthlau lutuk chu a ngaihmawh thu sawiin, a bikin mipa te hlawh sang bik lutuk chu ṭha lo a tih thu a sawi. Kum 51 mi thusawi hi Twilight star Kristen Stewart pawhin a thlawp thu a sawi bawk.