Zanin aṭangin hnam lam intihsiak ṭan dawn

Mizo Cultural Organi­zation (MCO) General Headquarters-in an Silver Jubilee puala hnam lam intihsiak an buatsaih tur chu zanin dar 8:00 hian Electric Veng YMA Hall-ah ṭan a ni dawn ta. He intihsiaka tel tur hian MCO hnuaia club inziaklut Aizawl chhung leh pawn aṭangin 38 an tel dawn a ni.

Hnam lam intihsiak hi zanin hian a hawnna neih a ni ang a, June 2 thleng a awh ang. Cheraw Kantluang, Sarlamkai leh Chheihlam hmangtein intihsiak a ni ang a, LPS Vision chuan live-in an pechhuak ṭhin dawn a ni. Result hi June 8-ah puan tura ruahman a ni.

Pakhatna hian pawisa fai Rs.50,000 bakah, trophy leh certificate an dawng dawn a ni. Pahnihna leh pathumna ten Rs. 30,000 leh Rs. 20,000 an dawng dawn a, top 10-a lang ten Rs. 10,000 ṭheuh an dawng bawk ang. Hei bakah hian a tel zawng zawng hneah Rs. 5,000 ṭheuh hlan an ni dawn bawk.

Art and Culture Depart­ment leh MCO ṭangkawp hian June 8 khian AR Lammual-ah Zohnahthlak Cultutal Festival an buatsaih dawn a, hmun hrang hranga Zo hnathlak awmte an fuankhawm dawn a ni. He hunah hian hnam lam intihsiak result puanna leh lawmman semna hi neih tura ruahman a ni.