Youth Summit kharna Lungleiah

Mizoram Youth Commission buatsaih Youth Summit and Road Show chu district hrang hrang pasarihah hlawhtling taka neih a nih hnuin Lunglei District pualin May 23 & 24 hian Convention Centre, Lunglei-ah buatsaih a ni dawn a, hei hi a hmawr bawkna a ni tawh ang.

Youth Summit-ah hian stall 50 chuang a awm dawn a, zirna leh eizawnna kawng hrang hrangah mi thiam rawn tur /hahnem tak an awm dawn a ni. Hotel management, airlines cabin crew, army leh airforce zawm theih dan tur inhrilh hriatna te, music lam te, beauty therapist, thing leh cement mistiri, automobiles, pangpar khawi, designing leh puan/hui thlengin a huam vek a ni. Hei bakah hian kut themthiamna lam leh zai lamah te experience lo nei tawh mi eng emaw zat a thlawna rawn tur an awm dawn bawk.

All India Service leh Central Service dangah te Mizo thalai an luh theihna turin coaching class kal theih dan tur inhrilh hriatna hun hman a ni dawn bawk.

Art & Photography exhibition ropui taka buatsaih tum a ni bawk a, thlalak leh lemziak (painting) /hahnem tak pho chhuah a nih dawn bakah, he lama mi thiam bikte’n a thlawna zirtirna hun an hmang bawk ang. /halai hna zawng mekte tan sorkar deparment thlan bik te’n online leh offline registration tih theihna an chhawp chhuak dawn bawk a, LESDE hnuaia employment registration ti duh tan pawh he hun hi thil tih awlsam lai tak tur a ni