Hontrade International Ṭhazual Fakna ; Seraphic Choir 'Siamtu kutchhuak' a mawi ber

Seraphic Choir chuan 'Siamtu kutchhuak' tih hla hmangin Hontrade International Ṭhazual Fakna chart-ah dinhmun sang ber an luah.

He hla mawi tak hi tunlai fakna hla thlan hlawh ber niin, mipui rilru hnehtu a ni mek. Seraphic Choir te hian hla mawi tak tak an tichhuak nual tawh a, 'Siamtu kutchhuak' tih pawh hi hun eng emaw chen chu chart-ah hian a lang tawh a ni.

Tun ṭumah hian Bka chuan 'Vanram' tih hla hmangin pahnihna a hauh a, Zorinsanga Sailo chuan a dawt. Bka hi hun eng emaw chen a reh hnuah hla thar nen a lo kir a, a thiam a la theihnghilh lo tih a chiang.

Hetih rual hian chart-ah pawh pakhatna lo hauh tawh Zorina Sailo hla 'Min hual reng ṭhin' tih chu mipuite rilru hnehtu a la ni fan. He hla hi tunlai fakna hla zingah chuan a lar ber pawl niin, top 3-ah a lang pawh hi a awm viau a ni.

'Ka nun hnar kaitu' tih thiam taka satu Mapuii pawh chart-ah a lo kir a, a sang zual zingah a lang phak. A zawna No. 1 pawh lo hauh tawh Nunui chu 'Min kian san suh' tih hla nen kan hmu leh bawk.

Top 10-ah hian Alabasta, 'Dang­­lam tura koh' tih satu Mawitea, Ma­chhani leh Hriat­chhungi te bakah, Daisy Lalbiak­nungi leh Miriam Lalnundiki te chu an lang bawk.

Hontrade International Ṭhazual Fakna Top 10
1. Seraphic Choir - Siamtu kutchhuak
2. Bka - Vanram
3. Zonrinsanga Sailo - Min hual reng ṭhin
4. R. Lalruatfeli (Mapuii) - Ka nun hnar kaitu
5. Valtea - Ka fak a che
6. Lalhmangaihzuali (Nunui) - Min kian san suh
7. Alabasta - Aw pan mai rawh
8. Mawitea, Machhani, Hriatchhungi - Danglam tura koh
9. Daisy Lalbiaknungi - Ka tlang thinghlimah
10. Miriam Lalnundiki - Damna kim a ni