Harry leh Markle te tana PETA thilpek dangdai

People for the Ethical Treatment of Animals (PETA) India chuan Prince Harry leh Meghan Markle te chu an inneih lawmpui nan bawng, a hmingah 'Merry' an tih chu pek an tum riap mai.

He bawng, Merry hi Maharashtra sanctuary-a awm a ni a, a taksaah hliam na tak a tuar a, PETA te hian an chhanchhuak a ni. PETA chuan Merry hi Harry leh Markle te hnenah an ineih lawmpui nan thawn an remti a, thuziak an hnutchiah tel dawn bawk.

Hemi chungchang hi sawifiahin, "Ramsa te chhunga hleihlena leh nunrawnna thleng ṭhin hi a pawi kan ti tak zet a, mipuite hnena awarness atan kan duh a ni" tiin, PETA India Associate Director of Celebrity and Public Relations Sachin Banger chuan a sawi.

Sachin chuan he bawng hi Duke and Duchess of Sussex te hnenah hian a hring a hranin an pe dawn lo tih sawiin, a thlalak leh thuziak chu nupa tuak tharte hi thawn an tum tih a sawi.

PETA founder Ingrid Newkirk chuan Merry hi Harry leh Markle te inneihni, kar kalta Inrinnia an chhanchuah kha a nih thu sawiin, hetianga ruahmanna hi siam ta an nih thu a sawi ve bawk.